به‌پێی هه‌واڵی کوردپرێس، ئاواز حه‌مید له گفتوگۆ له‌گه‌ڵ ماڵپه‌ڕی "بغداد الیوم"دا ڕای‌گه‌یاند: فراکسیۆنی پارتی دیموکرات له په‌رله‌مانی کوردستان نابێته ڕێگر له به‌رده‌م لێپێچینه‌وه‌ی هه‌ر به‌رپرس یان وه‌زیرێکی کورد که تۆمه‌تی گه‌نده‌ڵی ئیداری یان دارایی و به‌فیڕۆدانی سروه‌ت و سامانی گشتی خرابێته پاڵی.
ناوبراو ئاماژه‌ی به‌وه‌ش کرد دۆسیه‌ی لێپێچینه‌وه ده‌بێ یاسایی و به ئامانجی چاکسازییه‌وه بێت و ئامانجێکی سیاسی نه‌بێت و جه‌ختی کرده‌وه: پارتی دیموکراتی کوردستان ڕێگری له لێپێچینه‌وه‌ی ئاشتی هه‌ورامی وه‌زیری سه‌رچاوه سروشتییه‌کانی هه‌رێمی کوردستان پاش گه‌ڕانه‌وه‌ی ناوبراو بۆ هه‌رێم ناکات.
ناوبراو داوای کارا کردنه‌وه‌ی په‌رله‌مانی کوردستان له قۆناغی داهاتووی کرد و ئه‌و بابه‌ته‌ی به قۆناغێکی دژوار وه‌سف کرد.
کۆدی هه‌واڵنێر: 60103
Your Comment