بەپێی هەواڵی کوردپرێس، کۆمپانیای «خورشید زریوار» لە سنە 250 کانێکس بە حەمام و توالێتەوە پێشکەشی لێقۆماوانی بوومەلەرزەی سەرپێڵی زەهاو و سەلاسی باوجانی کردووە.
لە ڕۆژی یەکەمی ڕوودانی بوومەلەرزەکەشەوە ئەو کۆمپانیایە وەجبەیێکی بۆ پارێزگای کرماشان ناردبوو کە بریتی بوو لە 7 لۆری کە 126 هەزار بتڵی ئاوی مێوەیان بە یارمەتی مانگی سووری کرماشان لە نێو لێقۆماوانی بوومەلەرزەدا دابەش کرد.
شایانی باسە، ڕێکخراوەکانی یارمەتی گەیاندن بە لێقۆماوانی بوومەلەرزە ڕایان گەیاندووە پێویستی خێرایان بە دابین کردنی کانێکس بۆ جێگیر کردنی لێقۆماوانی بوومەلەرزە هەیە.
Your Comment