به‌پێی هه‌واڵی کوردپرێس، جاسم محه‌مه‌د جه‌عفه‌ر به‌یاتی له گفتوگۆ له‌گه‌ڵ ماڵپه‌ڕی هه‌واڵی "بغداد الیوم"دا وتی: ئه‌و ڕاپۆرتانه‌ی له‌سه‌ر هه‌ندێک مه‌رجی پێویست له لایه‌ن ئه‌مریکاوه بۆ حکوومه‌تی فیدڕاڵ له پێناو ده‌ست­پێکردنه‌وه‌ی گفتوگۆکان له‌گه‌ڵ حکوومه‌تی هه‌رێم بڵاو بوونه‌ته‌وه ڕاست نییه.
به‌یاتی که له عه‌بادییه‌وه نزیکه ده‌شڵێت: ئێستاکه هه‌ندێک گوشاری نێوده‌وڵه‌تی و به‌تایبه‌ت له لایه‌ن ئه‌مریکاوه دژ به ده‌وڵه‌تی فیدڕاڵ ئه‌نجام ده‌بێت به‌ڵام حه‌یده‌ر عه‌بادی هه‌رگیز مل به‌و گوشارانه نادات.
ناوبراو جه‌ختی کرده‌وه: ئێستاکه حه‌شدی شه‌عبی له ناوچه جێناکۆکییه‌کان جێگیربوون و پۆلیسی فیدڕاڵ و سوپای عێراقیش کۆنتڕۆڵی ناوچه‌که‌یان به‌ده‌سته‌وه‌یه.
شیاوی ئاماژه‌یه؛ ڕۆژنامه‌ی العربی له‌نده‌ن پێشتر نووسیبووی هه‌ندێک گوشار خراوه‌ته‌سه‌ر حکوومه‌تی فیدڕاڵ بۆ ئه‌وه‌ی گفتوگۆ له‌گه‌ڵ حکوومه‌تی هه‌رێمی کوردستان بکات و هه‌ندێک له‌و گوشارانه‌ش بوونه‌ته هۆی ئه‌وه‌ی حه‌شدی شه‌عبیی عێراق له ناوچه جێناکۆکییه‌کان پاشه‌کشێ بکه‌ن.
کۆدی هه‌واڵنێر: 60104
Your Comment