به‌پێی هه‌واڵی کوردپرێس، لیندسی گراهام سیناتۆری ئه‌مریکا گرینگترین هۆکاری ناکۆکییه‌کانی ئێستای نێوان تورکیا و ئه‌مریکا به پشتیوانییه‌کانی ئه‌مریکا له هێزی کوردی سووریا له به‌ره‌نگاربوونه‌وه‌ی داعش ده‌زانێت و ته‌ئکید له‌سه‌ر پێویستی چاره‌کردنی هه‌رچی زووتری ناکۆکییه‌کانی نێوان ئه‌مریکا و تورکیا ده‌کاته‌وه.
ناوبراو به که‌ناڵی فاکس نیووزی وتووه: تورکیا هاوپه‌یمانی ستراتێژێکی ئه‌مریکایه. ئێمه به پشتیوانی‌کردن له یه‌په‌گه کێشه‌مان بۆ تورکیا -که هێزی کوردی سووریا به ڕێکخراوێکی تیرۆریستی ده‌زانێت- دروست کرد.
به‌م حاڵه‌شه‌وه ناوبراو ته‌ئکیدی کرده‌وه که تورکیا له ڕێگای کڕینی سیسته‌می به‌رگریی S-400ی ڕووسییه‌وه زه‌بری له په‌یوه‌ندییه‌کانی ئه‌نقه‌ره- واشنتن دا و ئه‌گه‌ر ئه‌و سیسته‌مه کارا بکاته‌وه په‌یوه‌ندییێکی نێوان تورکیا و ئه‌مریکا ئاڵۆزتر ده‌بن و هیواشی خواست که سیسته‌مێکی ئه‌ڵته‌رناتیڤ بۆ S-400ی ڕووسی هه‌ڵبژێردرێت.
سناتۆره‌که‌ی نزیک له دۆناڵد تره‌مپ ته‌ئکیدی کرده‌وه که وڵاته‌که‌ی بۆ جێگیربوونی سه‌قامگیری له سووریا پێویستی به یارمه‌تییه‌کانی تورکیا هه‌یه. ئه‌مریکا ناڕه‌زایه‌تیی خۆی به کڕینی سیسته‌می به‌رگریی S-400ی ڕووسیا ده‌ربڕی و سزای تورکیای دا و ئه‌و وڵاته‌ی له به‌رنامه‌ی به‌رهه‌مهێنانی فڕۆکه‌ی شه‌ڕکه‌ری F-35 دوور خسته‌وه و فرۆشتنی ئه‌و فڕۆکه شه‌ڕکه‌ره‌ی به تورکیا هه‌ڵپه‌سارد.
کۆدی هه‌واڵنێر: 60103
Your Comment