بەپێی هەواڵی کوردپرێس، ڕێکخراوەی فریدم هاوس یان خانەی ئازادی کە ڕێکخراوێکی چالاکی بواری مافی مرۆڤە لە ڕاپۆرتی ساڵی 2019ی خۆیدا باس لە دۆخی هەوڵنێران و ئازادیی میدیاکان دەکات و ڕایدەگەیێنێت یەک لەو ناوچانەی بۆ هەواڵنێر خراپ بووە تورکیایە چوونکە بەڕای ئەو ڕێکخراوەیە هەواڵنێرانی کورد لە تورکیا لە ڕێزی ئەو کەسانەدان کە تۆمەتی تیرۆریستییان دەخرێتە پاڵ.
بەگوێرەی ئەم ڕاپۆرتە میدیاکارنی کورد و ئەو میدیایانە کە هەواڵی ناوچە کوردنشینەکان ڕووماڵ دەکەن لە تورکیا لەژێر گوشارێکی قورسدان.
فریدم هاوس لە ڕاپۆرتەکەیدا ڕایدەگەیێنێت: هەواڵنێرانی میدیا کوردەکان لە تورکیا بە تۆمەتی تێوەگلان بە چالاکییە تیرۆریستییەکان و هەروەها تۆمەتی سەر بە ڕێکخراوە تیرۆریستییەکان زیندانی دەکرێن.
ئەم ناوەندە ئاماژە بە دەستگیر کردنی دوو داکیۆمێنتاری ئاژانسی میزۆپتامیا دەکات کە بە تۆمەتی سەر بە پەکەکە بوون زیندانی کراون.
کۆدی هەواڵنێر: 60113
Your Comment