به‌پێی هه‌واڵی کوردپرێس، ماڵپه‌ڕی ڕاگه‌یاندنی نووسینگه‌ی ڕێبه‌ری باڵای شۆڕش، ئایه‌توڵڵا خامنه‌یی ده‌مه‌وبه‌یانی ڕۆژی دووشه‌ممه به مه‌به‌ستی به سه‌ر کردنه‌وه‌ی ناوچه لێقۆماوه‌کان له بوومه‌له‌رزه‌ی کرماشان و دیدار له‌گه‌ڵ خه‌ڵکی لێقۆماو گه‌یشتنه کرماشان.
ڕێبه‌ری باڵای شۆڕش سه‌ره‌تا شاری سه‌رپێڵ زه‌هاو و ناوچه‌ی بوومه‌له‌رزه‌لێدراویان به سه‌ر کرده‌وه و پاشان له نێو ئاپۆڕه‌ی خه‌ڵکی سه‌رپێڵ زه‌هاو ئاماده بوون و چه‌ند خوله‌کێک له‌گه‌ڵ ئه‌و خه‌ڵکه داخداره‌دا قسه‌یان کرد.
ئایه‌توڵڵا خامنه‌یی وتیان: من هاوخه‌می یه‌ک به یه‌کی دڵه‌کانتانم. ئێوه له سه‌رده‌می شه‌ڕی سه‌پاودا بوێری و خۆڕاگری و مه‌ردانه‌گیتان نواند ئه‌مڕۆکه‌ش بینوێنن.
ڕێبه‌ری باڵای شۆڕش ئاشکرایان کرد: ئه‌مه داخ و که‌سه‌رێکی گه‌وره‌یه که هاووڵاتییانی ئێمه نزیک به 500 که‌س له عه‌زیزانی خۆیان له ده‌ست داوه به‌ڵام سه‌رنج بده‌ن چۆن خه‌ڵکی ئێران هه‌مووی تێ خرۆشاوه و خۆیان به مه‌دیوونی کرماشان ده‌زانن و هه‌ر که‌س لای خۆیه‌وه و به گوێره‌ی توانای خۆی یارمه‌تیی ناردووه.
هه‌واڵ و وێنه‌ی زیاتر له‌م سه‌ردانه‌ی ئایه‌توڵڵا خامنه‌یی نوێ ده‌کرێته‌وه...
کۆدی هه‌واڵنێر: 60103
Your Comment