به‌پێی هه‌واڵی کوردپرێس، سه‌رله‌شکه‌ر محه‌مه‌د عه‌لی جه‌عفه‌ری بۆ جاری دووهه‌م سه‌ردانی ناوچه‌ی کرماشانی کردووه‌ و ڕه‌وتی خزمه‌تگوزاری و یارمه‌تی گه‌یاندنی به‌سیج و سوپا بۆ بوومه‌له‌رزه‌لێدراوان چاودێری ده‌کات.

سه‌رله‌شکه‌ر جه‌عفه‌ری له‌ دانیشتنێکی له‌گه‌ڵ فه‌رمانده‌ و به‌رپرسانی سوپای پاسداران تیشکی خسته‌ سه‌ر زه‌رووره‌تی ته‌رکیز کردن له‌سه‌ر یه‌که‌مایه‌تییه‌کان و وتی: به‌ لێبڕانی هاووڵاتییان و تێکڕای داموده‌زگای جێبه‌جێکار قه‌یرانمان تێپه‌ڕاندووه‌ و ئێستاکه‌ به‌نیازین پێداویستیی سه‌ره‌تایی وه‌کوو خواردن و پۆشه‌ن و خێوه‌ت و تێکڕای پێداویستییه‌ سه‌ره‌تاییه‌کان بۆ لێقۆماوان دابین بکه‌ین.

ناوبراو زیادی کرد: ڕه‌وتی نیشته‌جێ کردن له‌ گونده‌کاندا به‌ گوێره‌ی ڕێککه‌وتنی سوپا و ئه‌رته‌ش سپێردراوه‌ به‌ قه‌رارگای خاته‌مولئه‌نبیا و هیوادارین به‌ هاوکاریی ڕێکخراوی خانووبه‌ره‌ی کۆماری ئیسلامی پڕۆسه‌ی چێکردن و ئاماده‌ کردن و جێگیر کردنی کانێکسه‌کان به‌ زووترین کات جێبه‌جێ بکرێت.

کۆدی هه‌واڵنێر: 60103