به‌پێی هه‌واڵی کوردپرێس، به‌شار جه‌عفه‌ری نوێنه‌ری هه‌میشه‌ییی سووریا له ڕێکخراوی نه‌ته‌وه یه‌کگرتووه‌کان باسی له دامه‌زراندنی ناوچه‌ی ئارام له ڕۆژهه‌ڵاتی فورات سووریا کرد که بڕیاره له‌لایه‌ن تورکیا و ئه‌مریکاوه دابمه‌زرێت و گوتی: سووریا به توندی دامه‌زراندنی ناوچه‌ی ئارام له باکووری ڕۆژهه‌ڵاتی وڵات ڕه‌ت ده‌کاته‌وه. ئه‌م پڕۆژانه سه‌ربه‌خۆیی و سه‌روه‌ریی سووریا پێشێل ده‌کات. له‌باره‌ی دامه‌زراندنی ناوچه‌ی ئارامی باکووری سووریا -که تورکیا و ئه‌مریکا له‌سه‌ری ڕێککه‌وتوون- هیچ ڕاوێژێک له‌گه‌ڵ ڕێکخراوی نه‌ته‌وه یه‌کگرتووه‌کان ئه‌نجام نه‌دراوه.
ناوبراو گوتیشی: دامه‌زراندنی ناوچه‌ی ئارام له ڕۆژهه‌ڵاتی فورات پێشێل‌کردنی ئاشکرای یاسا و ڕێسای ڕێکخراوی نه‌ته‌وه یه‌کگرتووه‌کانه و کرده‌وه‌یێکی دژبه‌رانه له‌گه‌ڵ سووریا دێته ئه‌ژمار.
شایانی باسه؛ دامه‌زراندنی ناوچه‌ی ئارام له باکووری سووریا که له‌لایه‌ن ئه‌مریکا و تورکیاوه ڕێککه‌وتنی له‌سه‌ر کراوه له‌لایه‌ن هێزی سوپای سووریای دیموکراتیش قبووڵ کراوه و ڤیلادیمیر پووتن سه‌رۆک کۆماری ڕووسیاش له دوایین دیداری خۆی له‌گه‌ڵ ڕه‌جه‌ب ته‌ییب ئه‌ردۆغان سه‌رۆک کۆماری تورکیا له مۆسکۆ پشتیوانیی خۆی له‌و پڕۆژه‌یه ڕاگه‌یاندبوو.
سه‌رچاوه: هه‌واڵده‌ریی T24
کۆدی هه‌واڵنێر: 60103
Your Comment