بەپێی هەواڵی کوردپرێس، دۆران كاڵكان، سه‌ركرده له پارتى كرێكارانى كوردستان (PKK)، به میدیاكانى نزیک له حزبه‌كه‌ى ڕاگه‌یاند: "ئاماده‌ین بۆ ئه‌وه‌ى له‌گه‌ڵ پارتى دیموكراتى كوردستان، په‌یوه‌ندییه‌كانمان ئاسایی بكه‌ینه‌وه و ئه‌و ڕێككه‌وتنه زیندوو بكه‌ینه‌وه، كه له ساڵى 1982 واژۆ كراوه".
ئه‌و سه‌ركرده‌یه‌ی PKK ئاماژه‌ى به‌وه‌ش دا، كه بۆ گه‌لى كوردستان، ڕێككه‌وتنه‌كه ڕۆڵى پۆزه‌تیڤى ده‌بێت، گوتیشی: ئێمه ئاماده‌ین هه‌ركاتیک بڕگه‌كانى ئه‌و ڕێككه‌وتنه، جێبه‌جێ بكه‌ین.
وه‌ک ئه‌و سه‌ركرده گێڕایه‌وه، له ساڵى 1982 پارتى دیموكراتى كوردستان و پارتى كرێكارانى كوردستان، ڕێككه‌وتنێكان بۆ كار كردن له سه‌ر كۆنگره‌یێكی نه‌ته‌وه‌یی كوردستان و هه‌روه‌ها هه‌ماهه‌نگی و هاریكاری له نێوان هه‌ردوولا، واژۆ كرد.
سەرچاوە: باس نیووز
کۆدی هه‌واڵنێر: 60113
Your Comment