به‌پێی هه‌واڵی کوردپرێس، ماجد شه‌نگالی له‌ گفتوگۆ له‌گه‌ڵ هه‌واڵده‌ریی "الفرات نیوز"دا ئاماژه‌ی به‌وه‌ کرد به‌یاننامه‌ی حکوومه‌تی هه‌رێمی کوردستان له‌باره‌ی حوکمی دادگه‌ی فیدڕاڵ و پرسی یه‌کپارچه‌ییی عێراق به‌ ته‌واوه‌تی شه‌فافه‌ و ده‌ری‌بڕی: هه‌ولێر ڕێز بۆ ئه‌و حوکمه‌ داده‌نێت و ده‌رکردنی ئه‌و به‌یاننامه‌یه‌ ده‌لاله‌ته‌ له‌سه‌ر حه‌ز و خواستی ئێمه‌ بۆ دانووستان له‌گه‌ڵ به‌غدا به‌ مه‌به‌ستی چاره‌سه‌رکردنی کێشه‌کانمان له‌ زووترین کاتدا.

ناوبراو داوای له‌ به‌غدا کرد بۆ کۆتایی هێنان به‌ ڕه‌نج و ئازاری خه‌ڵکی کوردستان گفتوگۆی جیدی و ده‌ستووری له‌گه‌ڵ هه‌رێمی کوردستان ده‌ست پێبکاته‌وه‌.

کۆدی هه‌واڵنێر: 60103