به‌پێی هه‌واڵی کوردپرێس، ئه‌کبه‌ر ڕه‌زایی له‌و باره‌یه‌وه‌ وتی: به‌ هۆی بوومه‌له‌رزه‌که‌ی کرماشانه‌وه‌ زۆرینه‌ی شوێنه‌کانی ئه‌و پارێزگایه‌ له‌سه‌دا 70 و هه‌ندێ ناوچه‌ش له‌سه‌دا 100 خه‌ساریان به‌رکه‌وتووه‌ و هه‌ندێک بینا و ئاسه‌واریش چیتر بۆ چێ کردنه‌وه‌ ناشێن.

ناوبراو ورده‌کاریی ئه‌و خه‌سارانه‌ له‌ که‌رتی ئاسه‌واری مێژوویی و کۆنینه‌دا ده‌خاته‌ ڕوو و ده‌ڵێت: به‌ گوێره‌ی به‌راوردی کارناسه‌کان نزیک به‌ یه‌ک ملیارد تمه‌ن خه‌سار له‌ ئاسه‌واری مێژوویی و کۆنینه‌ی پارێزگا که‌وتووه. بۆ نموونه‌: کاروانسه‌رای مێژووییی قه‌سری شیرین به‌ درێژاییی دوو مه‌تر و به‌رزاییی 8 مه‌تر له‌ به‌شی ڕۆژهه‌ڵاتی بیناکه‌وه‌ دیواره‌که‌ی ڕووخاوه‌ و لایێکی بانی کاروانسه‌راکه‌ش ڕووخاوه‌.

ڕه‌زایی درێژه‌ی پێیدا: بینای ئیداره‌ی پیشه‌ی ده‌ستی له‌ شاری قه‌سری شیرینیش به‌ ته‌واوه‌تی خاپوور بووه‌.

هه‌روه‌هاش قه‌ڵای یه‌زدگردی له‌سه‌دا 70ی ڕووخاوه‌ و قه‌برستانی ئه‌بوو دجانه‌ له‌ ناوچه‌ی بان زه‌رده‌ی داڵه‌هۆ له‌سه‌دا 100 خه‌ساری به‌رکه‌وتووه‌.

کۆدی هه‌واڵنێر: 60104