بەپێی هەواڵی کوردپرێس، لە بنکەی ڕاگەیاندنی سەرۆکایەتیی کۆمار، دەقی پەیامەکەی حوجەتولئیسلام حەسەن رۆحانی بە شێوەی خوارۆیە:

بسم الله الرحمن الرحیم

مِنَ الْمُؤْمِنِینَ رِجَالٌ صَدَقُوا مَا عَاهَدُوا اللَّهَ عَلَیْهِ فَمِنْهُم مَّن قَضَی نَحْبَهُ وَ مِنْهُم مَّن یَنتَظِرُ وَ مَا بَدَّلُوا تَبْدِیلًا

لە سەروبەندی ئەربەعینی حسێنی شەهید بوونی 8 سنوورەوانی بەغیرەت و ئازای هێزی ئینتیزامی لە ناوچەی چاڵدران بە دەستی ئاژاوەگێڕانی دڵ کوێر و نوکەرانی تیرۆر و توندئاژۆیی بوو بە هۆکاری دڵنیگەرانیی گەلی مەزنی ئێران.

هەر بەم بۆنەوە وێڕای ڕاگەیاندنی پرسە و سەرەخۆشیی خۆم داوا لە بەرپرسانی ئەمنی و هەواڵگری دەکەم بە زووترین کات و بە هەڵمەتێکی بەبڕشت بکەرانی ئەم کارەساتە دڵتەزێنە بدۆزنەوە و سزایان بدەن.

باڵاترین پلە و پایە بۆ ئەو شەهیدە پایە بەرزانە لە خودای پەروەردەگار داواکارم و هیوادارم هاوڕیزی شەهیدانی کەربەلا بن و بۆ بنەماڵەکانیشیان داوای سەبووری و پاداشتی بەخێر دەکەم.

سەرۆکایەتیی کۆماری ئیسلامیی ئێران

کۆدی هه‌واڵنێر: 60113