به‌پێی هه‌واڵی کوردپرێس، شاخه‌وان عه‌بدوڵڵا نوێنه‌ری پارتی له په‌رله‌مانی عێراق به "بغداد الیوم"ی وتووه: ژماره‌یێک له نوێنه‌رانی په‌رله‌مانی عێراق دوژمنایه‌تیی خه‌ڵکی کوردستان ده‌که‌ن و ئێستاش له ڕوانگه و ستراتێژی به‌عسییه‌کان دژ به کورده‌کان که‌ڵک وه‌رده‌گرن.
ناوبراو زیادی کرد: عالیه نوسه‌یف یه‌که‌م که‌س نییه که دژایه‌تیی کورد ده‌کات و دژ به خه‌ڵکی کوردستان -که مافه‌که‌یان پێشێل کراوه- ستراتێژی و ڕوانگه‌ی به‌عسی و سه‌دامییه‌کان به کار ده‌هێنێت.
عه‌بدوڵڵا جه‌ختیشی کردۆته‌وه: ئه‌گه‌ر ده‌سه‌ڵاتی بڕیاردان له عێراقدا به ده‌ست عالیه نۆسه‌یف و دیکه‌ی دوژمنانی کورد بوایه پێش 10 ساڵ فه‌رمانی ده‌رکردنی کورده‌کان له عێراقیان ده‌دا. به‌و حاڵه‌شه‌وه ئێمه به‌رده‌وام داوای گفتوگۆ و ده‌ره‌چه‌ی دیپلۆماتیک ده‌که‌ین بۆ ده‌سته‌به‌ربوونی مافه‌کانمان.
شیاوی ئاماژه‌یه؛ عالیه نۆسه‌یف پێشتر له لێدوانێکدا داوای ده‌رکردنی کورده‌کانی پشتیوانی گشتپرسی و سه‌ربه‌خۆییی هه‌رێمی کوردستان له به‌غدای کردبوو.
کۆدی هه‌واڵنێر: 60103
Your Comment