بەپێی هەواڵی کوردپرێس، نێچیرڤان بارزانی لەمیانی دووەمین کۆنفرانسی دیالۆگی هەولێر ئاماژەی بەوەدا کە "کەشێکی ئەرێنی هەیە کە بەسەر پەیوەندی نێوان بەغدا و هەولێردا زاڵە لە هەموو ئاستەکاندا، هیچ دەرفەتێک لەدەست نادەین بۆ کۆتایی هێنان بەگرفتەکان، برەودان بە پەیوەندییە دووقۆڵییەکەمان".

لە درێژەی قسەکانیدا، سەرۆکی هەرێمی کوردستان رایگەیاند: "هەماهەنگییەکی زۆر لەنێوان هەردوو لادا هەیە، بۆ پەسەندکردنی بودجەی گشتی عێراق بۆ ساڵی ٢٠٢٣ بەم زووانە".

بارزانی هەروەها باسی لە قەیرانی وزەی جیهانی کرد و وتی: "عێراق سەرچاوەی وزەی هەیە کە دەتوانێت کێشەکانی کەمیی پێداویستی لە هەندێک وڵاتی جیهان چارەسەر بکات".