بەپێی هەواڵی کوردپرێس، دەزگای مەدا بۆ راگەیاندن و رۆشنبیری و هونەری رایگەیاند، 15مین پێشانگای نێودەوڵەتی کتێب لە هەولێر، بە چاودێری سەرۆکی پارتی دیموکراتی کوردستان و بە هاریکاریی وەزارەتی ڕۆشنبیری و لاوان بەڕێوەدەچێت.

هەروەها راشیگەیاند پێشەنگاکە لە رۆژانی 8 تا 18ی ئاداری 2023 لە پێشانگای نێودەوڵەتی پارکی سامی عەبدولڕەحمان بە بەشداری ژمارەیەکی بەرچاوی دەزگاکانی چاپ و بڵاوکردنەوەی کوردی و عەرەبی و بیانی ساز دەدرێت.