بەپێی هەواڵی کوردپرێس، له کۆبوونه‌وه‌که‌دا دوايين پێشهاته‌کانى گفتوگۆى هه‌ولێر ـ به‌غدا بۆ چارهسهرکردنى کێشه‌کانيان، دۆخى ئابوورى و پرسى بودجه‌ى عێراق بۆ ئه‌مساڵى 2023، دۆخى سياسيى عێراق به‌گشتى، ئه‌و ئاڵنگارييانه‌ى ڕووبه‌ڕووى وڵات ده‌بنه‌وه، ئاماده‌يى و ڕۆڵى عێراق له ناوچه‌که و له‌سه‌ر ئاستى نێوده‌وڵه‌تى، تاوتوێ کران.
هه‌ردوولا جەختیان لە به‌رده‌وامى و هه‌نگاوه‌کانى گفتوگۆى هه‌ولێر ـ به‌غدا و چارهسهرکردنى کێشه‌کانى نێوانيان له‌سه‌ر بنه‌ماى ده‌ستوور کردەوە و هاوڕا بوون که به‌ره‌نگاربوونه‌وه‌ى ئه‌و ئاڵنگارى و مه‌ترسييانه‌ى ڕووبه‌ڕووى وڵات ده‌بنه‌وه، کارى پێکه‌وه‌يى و هاريکاريى هه‌موو هێز و لايه‌ن و پێکهاته‌کانى عێراقى ده‌وێت.
له ته‌وه‌رێکى ديکه‌ى کۆبوونه‌وه‌که‌دا، دوا سه‌ردانى شاندى عێراق بۆ ئه‌مريکا و ڕێکاره‌کانى حکوومه‌تى عێراق بۆ پاراستنى دۆخى ئابووريى وڵات، په‌يوه‌ندييه‌کانى عێراق له‌گه‌ڵ وڵاتانى دراوسێ و ناوچه‌که و جيهان، پاراستنى ئارامى و سه‌قامگيريى سنووره‌کان و چه‌ند پرسێکى ديکه، خرانه به‌ر باس.
Your Comment