بەپێی هەواڵی کوردپرێس، ڕوانگەی سووری بۆ مافەکانی مرۆڤ رایگه‌یاند، هێزە تایبەتییەکانی هێزه‌کانی سووریای دیموکرات "هەسەدە" ٩٠ کەسیان بە تۆمەتی سیخوڕی کردن و بوونی پەیوەندیان بە تورکیا و گرووپە چەکدارەکان کە پەیوەندیان بە هێرشەکانی دوو مانگی رابردووەوە هەبووە لە ناوچەکانی ژێر کۆنتڕۆڵی بەڕێوەبەرایەتی خۆسەر دەستگیر کردووە.

هەر بەگوێرەی هەواڵی ڕوانگە تەواوی ئەو کەسانە لە زیندانییەکانی ئەمنی باکووری حەلەب، حەسەکە، رەقا و دێرەزوور دانراون.