بەپێی هەواڵی کوردپرێس، نەدیم زەهاوی، هاووڵاتییەکی عێراقی بەڕەچەڵەک کوردە، کە سێ پۆستی وەزاری لە کابینەی سەرۆکوەزیرانی پێشووی بەریتانیا بۆریس جۆنسۆن بەدەست هێناوە، ئێستاش چانسی ئەوەی هەیە لە کابینەی لیز تراس، سەرۆکوەزیرانی نوێی بەریتانیادا ببێت.
زەهاوی یەکێکە لە دامەزرێنەرانی کۆمپانیای ڕاپرسیی بەریتانی You Gov کە بەپێی ڕاپۆرتێکی ئاژانسی ڕۆیتەرز توانیویەتی ببێتە یەکێک لە باشترین کۆمپانیاکانی ڕاپرسی لە وڵاتەکەدا.
زەهاوی بەرپرسیارێتیی وەزارەتەکانی کوتان و پەروەردە و دارایی لە حکوومەتی بۆریس جۆنسن سەرۆک وەزیرانی پێشووی بەریتانیا لە ئەستۆ بوو.
هەر بە گوێرەی هەواڵەکانی ڕۆیتەرز و ساندەی تایمز، ئەگەری ئەوە هەیە زەهاوی وەک وەزیری تەندروستی لە کابینەکەی لیز تروس دەست نیشان بکرێت. هەروەها زەهاوی یەکێک بوو لە ڕکابەرەکانی لیز تراس لە پرۆسەی هەڵبژاردنی سەرۆکی نوێی پارتی موحافیزەکار و سەرۆکوەزیرانی نوێی بەریتانیا.
Your Comment