کوردپرێس:
‏قوباد تاڵه‌بانی جێگری سه‌رۆک وه‌زیرانی هه‌رێم له توویتێکدا له هه‌ژماری تایبه‌تی خۆی له تۆڕی کۆمه‌ڵایه‌تیی توویته‌ردا ڕای‌گه‌یاندووه: "پێشوازیمان له هه‌ر دوو جێگرانی سه‌رۆک وه‌زیرانی عێراق فوئاد حسێن و سامر غه‌زبان و فالح فه‌یاز ڕاوێژکاری ئاسایشی نیشتیمانی و ئه‌بوو جیهاد ئه‌لهاشمی به‌ڕێوه‌به‌ری نووسینگه‌ی عادل عه‌بدولمه‌هدی کرد".
ناوبراو ئاماژه‌ی به‌وه‌ش کردووه: "پاشنیوه‌ڕۆی ڕۆژی پێنجشه‌ممه 25ی ته‌مووزی 2019 یه‌که‌م کۆبونه‌وه‌ی لیژنه‌ی باڵای هه‌رێمی کوردستان و به‌غدادمان ده‌بێت".
شایانی باسه؛ شانده‌كه‌ی به‌غدا له فڕۆكه‌خانه‌ی نێوده‌وڵه‌تیی هه‌ولێر له لایه‌ن جێگری سه‌رۆک وه‌زیران و هه‌روه‌ها ڕێبه‌ر ئه‌حمه‌ده وه‌زیری ناوخۆی حكوومه‌تی هه‌رێمی كوردستان پێشوازییان لێكرا.
به‌پێی زانیارییه‌کان، ته‌وه‌ری سه‌ره‌كیی كۆبوونه‌وه‌كانی شاندی حکوومه‌تی عێراق و هه‌رێمی کوردستان پرسی نه‌وت، ئابووری، ئه‌منی و مادده‌ی 140 ده‌بێت.
کۆدی هه‌واڵنێر: 60103
Your Comment