به‌پێی هه‌واڵی کوردپرێس، دوانیوه‌ڕۆی ڕۆژی دووشه‌ممه‌ 22ی ته‌مووزی 2019 عادل عه‌بدولمه‌هدی سه‌رۆک وه‌زیرانی عێراق گه‌یشته‌ تاران و له‌گه‌ڵ حه‌سه‌ن ڕۆحانی سه‌رۆک کۆماری ئێران دیدار و گفتوگۆی کرد.

نووسینگه‌ی ڕاگه‌یاندنی سه‌رۆک وه‌زیرانی عێراق به‌یاننامه‌یێکی له‌باره‌ی کۆبوونه‌وه‌ی عه‌بدولمه‌هدی و ڕۆحانی بڵاو کرده‌وه‌ و ڕای‌گه‌یاند که‌ دوو لایه‌ن له‌ دیداره‌که‌دا دواپێشهاته‌کانی ناوچه‌که‌ و ڕێگاکانی هێورکردنه‌وه‌ی دۆخی ناوچه‌که‌یان خستۆته‌ به‌ر باس و لێکدانه‌وه‌.

سه‌فه‌ری عه‌بدولمه‌هدی بۆ ئێران له‌سه‌ر بانگهێشتی فه‌رمیی به‌رپرسانی ئێران ئه‌نجام دراوه‌.

شایانی باسه‌؛ ئه‌مه‌ دووهه‌مین سه‌فه‌ری عه‌بدولمه‌هدی وه‌ک سه‌رۆک وه‌زیرانی عێراق بۆ تاران دێته‌ ئه‌ژمار و ناوبراو پێشتر ڕۆژی 17ی خاکه‌لێوه‌ی ئه‌مساڵ سه‌فه‌رێکی دوو ڕۆژه‌ی له‌سه‌ر بانگهێشتی حه‌سه‌ن ڕۆحانی سه‌رۆک کۆماری ئێران بۆ ئێران ئه‌نجام دابوو.

کۆدی هه‌واڵنێر: 60103