بەپێی هەواڵی کوردپرێس، لە راگەیێندراوێکدا، حکوومەتی هەرێمی کوردستان ئاماژەی بەوە داوە، بەپێی لێکۆڵینەوە سەرەتاییەکان، رووداوی تەقەکردنەکەی هەولێر کە بووە هۆی گیان لەدەستدانی سێ کەس، کردەوەیێکی تیرۆریستی ئامانجدار و پلان بۆداڕێژراو بووە.

لە راگەیێندراوەکەدا ئەوەش هاتووە، لێکۆڵینەوەکان بەردەوامن و بەرەوپێشچوونیش هەیە، بەم نزیکانەش هاووڵاتییان لە قۆناخەکانی لێکۆڵینەوە ئاگادار دەکەینەوە.

دەقی راگەیێندراوەکەی حکوومەتی هەرێمی کوردستان

راگەیێنراوێک لە حکوومەتی هەرێمی کوردستانەوە

وتەبێژی حکوومەتی هەرێمی: رووداوی تەقەکردنەکەی هەولێر، کردەوەیێکی تیرۆریستی ئامانجدار وپلان بۆ داڕێژراو بوو

بەپێی لێکۆڵینەوە سەرەتاییەکان، رووداوی تەقەکردنەکەی هەولێر لە رۆژی 17 ی تەمووزی 2019 کە بووە هۆی گیان لە دەستدانی 3 کەس ، کردەوەیێکی تیرۆریستی ئامانجدار وپلان بۆداڕێژراو بووە.

لێکۆڵینەوەکان بەردەوامن و پێشڤەچوونیش هەیە و بەم نزیکانەش هاووڵاتییان لە قۆناغەکانی لێکۆڵینەوە ئاگادار دەکەینەوە.

کۆدی هەواڵنێر: 60113