کوردپرێس:
نووسینگەی سەرۆکایەتیی کۆماری عێراق بڵاوی کردەوە، بەرهەم ساڵح لە کۆبونەوەیێکدا لەگەڵ باڵوێزی شانشینی بەحرەین به‌بایه‌خه‌وه باسى له گرنگى و مێژووى دێرینى په‌یوه‌ندیى برایانه و پته‌وى نێوان عێراق و به‌حره‌ین كرد، كه هه‌ردوو ده‌وڵه‌تى دۆست به‌یه‌كه‌وه گرێ ده‌دات،
هەر لە دیدارەکەدا سەرۆککۆماری عێراق ئاماژه‌شى كرد به پێویستیى په‌ره‌پێدانى ئالیاتى كارى پێكه‌وه‌یى بۆ به‌گژاچوونه‌وه‌ى ئاسته‌نگ و پێشهاته‌كان و چه‌سپاندنى ئارامی و ئاشتى له‌سه‌ر هه‌ردوو ئاستى ناوچەیی و نێوده‌وڵه‌تى.
له‌لاى خۆیه‌وه باڵیۆزی بەحرەین سووربوونى وڵاته‌كەیى دووپات كرده‌وه بۆ پته‌وتركردنى په‌یوه‌ندییه دوقۆڵییه‌كان و فراوانكردنى ئاسۆى په‌یوه‌ندییه هاوبه‌شه‌كانى هه‌ردوولا.
Your Comment