بەپێی هەواڵی کوردپرێس پارتی دیموکراتیکی گەلان HDP ڕایگەیاند پۆلیسی دیاربەکر نوێنەرێکی ئەو پارتەی دەستبەسەر کردووە کە هەوڵی داوە لە شاری ئامەد ڕێپێوانێک بە دروشمی "نە بۆ شەڕ، بەڵێ بۆ چارەسەری دیموکراسییانە" ڕێکبخات.

پاش ئەوەی پۆلیسی تورکیا تەداخولی هەڵمەتەکەی کرد درسیم داغ و دوو ڕاوێژکارەکەی دەستبەسەر کران.

درسیم داغ لە دوایین پەیامی خۆیدا کە لە تۆڕی کۆمەڵایەتیی تویتەر بڵاوی کردۆتەوە لەبارەی دەستبەسەرکرانیەوە نووسیویەتی: ئێستا پۆلیسی دیاربەکر خۆم دوو ڕاوێکارەکەمیان دەستبەسەر کردووە و گوازراوینەتەوە بۆ ئوتومبیلی پۆلیس.