بەپێی هەواڵی کوردپرێس، هێرش سه‌ید سه‌لیم جێگرى به‌ڕێوه‌به‌رى ته‌ندروستیى سلێمانى له‌باره‌ى كێشه‌كانى به‌رده‌م ته‌ندروستیى سلێمانى و هه‌ڵه‌بجه و ئیداره‌كانى گه‌رمیان و ڕاپه‌ڕین به شارپرێسى وتووە: "وه‌زاره‌تى ته‌ندروستى غه‌درمان لێده‌كات و نادادپه‌روه‌ریمان له‌گه‌ڵ ده‌كات، هه‌ربۆیه بایكۆتى كۆبوونه‌وه‌كانى ئه‌نجومه‌نى وه‌زاره‌تمان كردووه".
ناوبراو وتیشى: "له‌ماوه‌ى چه‌ند مانگێكدا نادادیه‌كى زۆر به‌رامبه‌ر به‌سلێمانى كراوه و ده‌كرێت، ئێمه‌ش داواكاریه‌كانمان قورس نیین، داوامانكردووه پرسى جیاكاریی له‌نێوان شاره‌كان وه‌لابنرێت و جیاكاریی له‌نێوان هاوڵاتیانى هه‌رێمى كوردستان نه‌مێنێت".
هێرش سەعید ئه‌وه‌شى وت: "قه‌یرانى ده‌رمان به‌هۆى نه‌بوونى پاره‌ى نه‌ختینه‌وه‌یه له‌سلێمانى كه ئه‌وه‌یان په‌یوه‌ندیی به‌وه‌زاره‌تى ته‌ندروستیه‌وه نییه، به‌ڵام بۆ چاره‌سه‌رى ئه‌و كێشه‌یه‌ش زۆر له‌مێژه داوامان له وه‌زاره‌تى ته‌ندروستى كردووه، بوودجه‌یه‌كى پارێزراو و دیاریكراو بۆ سه‌رجه‌م ته‌ندروستى پارێزگاكان دیاریی بكه‌ن".
Your Comment