بەپێی هەواڵی کوردپرێس، جووتیار عادل، گوتەبێژی حکوومەتی هەرێمی کوردستان بە کوردستان 24ی راگەیاندووە: دانوووستاندنی شاندەکەی حکوومەتی هەرێمی کوردستان لەگەڵ بەرپرسانی عێراق درێژەپێدەری ئەو گفتوگۆیانە کە لە سەرەتای پێکهێنانی حکوومەت لەگەڵ بەغدا دەستمان پێکردووە.

جووتیار عادل هەروەها رایگەیاندووە: بڕیارە شاندەکە رۆژی دووشەممە 11-4-2022 سەردانی بەغدا بکات و یەکێک لە تەوەرەکانی گفتوگۆی شاندەکەش لەگەڵ بەرپرسانی عێراق کە هەمان ئەو شاندەی پێشتر گفتوگۆی لەگەڵ بەرپرسانی حکوومەتی عێراق کردووە دەبێت، پرسی نەوتە.