بەپێی هەواڵی کوردپرێس، لیوا قارەمان کەمال جێگری سەرۆک ئەرکان بۆ ئۆپەراسێۆنەکان لە وەزارەتی پێشمەرگە بە پێگەی فەرمیی پارتی راگەیاندووە، لە شەش مانگی رابردوودا یەکگرتنەوەی ھێزی پێشمەرگە خێرایی بەخۆیەوە بینیوە و ھەردوو ھێزی پشتیوانی یەک و دوو لەگەڵ سێ لیوای ٧٠ و ٨٠ خراونەتە سەر وەزارەتی پێشمەرگە.

ناوبراو ئاماژەى بەوەشکردووە، لیوایەکی نوێ دروستکراوە و پڕۆسەی یەکگرتنەوەی پێشمەرگە بەردەوامە.

جێگری سەرۆک ئەرکان بۆ ئۆپەراسێۆنەکان لە وەزارەتی پێشمەرگە باسی لەوەش کردووە، ئەمساڵ دوو لیوای نوێ لە وەزارەت پێکدەهێنرێت بۆ وەرگرتنی یەکەی ٧٠ و ٨٠، ئەویش لیوای ٢١ و ٢٢ی پێشمەرگەیە، ھەردوو یەکەکەش ئاگادارکراونەتەوە بۆ ئەوەی خۆیان لەگەڵ سیستمی وەزارەت بگونجێنن.

پڕۆژەی یەکگرتنەوە و یەکخستنەوەی هێزەکانى پێشمەرگە لە ٣٥ خاڵ پێک هاتووە و لەلایەن هاوپەیمانانەوە سەرپەرشتى دەکرێت.