کوردپرێس:
سێرگه‌ی ڕیابکۆڤ جێگری وه‌زیری ده‌ره‌وه‌ی رووسیا له گفتوگۆ له‌گه‌ڵ کوردستان 24 له‌باره‌ی هه‌ڵبژاردنی سه‌رۆكی هه‌رێم و سه‌رۆكی حكوومه‌تی هه‌رێم له په‌رله‌مانی كوردستان بۆ کوردستان 24 گوتی: مۆسكۆ پاڵپشتی له سه‌قامگیریی سیاسی و ئه‌منیی ناوچه‌كه ده‌كات له‌م ڕووه‌وه هه‌ماهه‌نگ ده‌بێت.
جێگری وه‌زیری ده‌ره‌وه‌ی رووسیا ڕاشی‌گه‌یاند: هیوادارین سه‌ركردایه‌تیی نوێی حكوومه‌تی هه‌رێمی كوردستان بتوانێت به گفتوگۆ چاره‌سه‌ری كێشه‌كانی ناوچه‌كه بكات.
سێرگه‌ی ڕیابکۆڤ ئاماژه‌ی به‌وه کرد: "ئێمه هیوادارین كه سه‌ركردایه‌تیی نوێ بتوانێت له ڕێگه‌ی گفتوگۆوه چاره‌سه‌ری گرفته‌كان بكات و ئێمه پێمانوایه كه وڵاتانی ناوچه‌كه پێویستی زۆریان به ڕێزگرتنی خود و به‌رامبه‌ر هه‌یه، پێویستیان به له‌به‌رچاوگرتن و به‌رز ڕاگرتنی سه‌روه‌ریی وڵات هه‌یه و ده‌بێت ناوچه‌كه له‌سه‌ر ئاستی سیاسی بكه‌وێته‌وه سه‌ر ڕه‌وتی خۆی و سه‌قامگیری بگه‌ڕێته‌وه ناوچه‌كه و ڕووسیاش هه‌ماهه‌نگ و پاڵپشت ده‌بێت."
کۆدی هه‌واڵنێر: 60103
Your Comment