کوردپرێس:

ڕۆژی دووشه‌ممه‌ 10ی 6ی 2019 له‌ شاری هه‌ولێر مه‌سعوود بارزانی سه‌رۆکی پارتی دیموکراتی کوردستان له‌گه‌ڵ مه‌ولوود چاووش ئۆغڵۆ وه‌زیری ده‌روه‌ی توركیا كۆ بووه‌وه‌.

له‌ دیداره‌كه‌دا وه‌زیری ده‌روه‌ی توركیا پیرۆزباییی هه‌ڵبژاردنی نێچیرڤان بارزانی سه‌رۆكی نوێی هه‌رێمی كوردستانی له‌ مه‌سعوود بارزانی كرد و هیوای سه‌ركه‌وتنی بۆ خواست و جه‌ختی له‌ پێگه‌ی هه‌رێمی كوردستان بۆ وڵاته‌كه‌ی و بایه‌خی سه‌قامگیریی هه‌رێم كرده‌وه‌.

هه‌ر له‌و دیداره‌دا وێڕای ئاماژه‌دان به‌ په‌یوه‌ندییه‌ مێژووییه‌كانی نێوان هه‌رێمی كوردستان و توركیا هه‌ردوولا له‌سه‌ر په‌ره‌پێدانی ئه‌وه‌ په‌یوه‌ندییانه‌ هاوڕا بوون و وه‌زیری ده‌ره‌وه‌ی توركیا ئاماده‌ییی وڵاته‌كه‌ی بۆ به‌شداری‌كردن له‌ ئاوه‌دانكردنه‌وه‌ی مووسڵ و ناوچه‌كانی‌تر نیشان دا.

تاوتوێ كردنی بارودۆخی سیاسیی ناوچه‌كه‌ و دواپێشهاته‌كان ته‌وه‌رێكی‌تری ئه‌و دیداره‌ بوو.

شایانی باسه‌؛ دیداری نێوان مه‌سعوود بارزانی و مه‌ولوود چاووشئۆغڵۆ یه‌که‌مین دیداریان پاش به‌ڕێوه‌چوونی گشتپرسیی سه‌ربه‌خۆییی هه‌رێمی کوردستان له‌ ساڵی 2017 بوو.

کۆدی هه‌واڵنێر: 60103