به‌پێی هه‌واڵی کوردپرێس، ئه‌مڕۆ دووشه‌ممه‌ 10ی 6ی 2019 مه‌سعوود بارزانی سه‌رۆکی پارتی دیموکراتی کوردستان به‌ مه‌به‌ستی به‌شداری‌کردن له‌ ڕێوڕه‌سمی سوێندخواردنی نێچیرڤان بارزانی سه‌رۆکی هه‌ڵبژێردراوی هه‌رێمی کوردستان گه‌یشته‌ هۆڵی سه‌عد عه‌بدوڵڵا و له‌لایه‌ن ڤالا فه‌رید سه‌رۆکی په‌رله‌مانی کوردستانه‌وه‌ پێشوازی لێکرا.

ئه‌مه‌ له‌ کاتێکدایه‌ ئه‌مڕۆ زیاتر له‌ هه‌زار شاند و که‌سایه‌تی و دیپلۆماتکار و به‌رپرسانی باڵا گه‌یشتوونه‌ته‌ هۆڵی سه‌عد عه‌بدوڵڵا و به‌شداری له‌ مه‌راسیمی سوێندخواردنی نێچیرڤان بارزانی وه‌ک سه‌رۆکی هه‌رێمی کوردستان ده‌که‌ن.

پاش ئه‌وه‌ی ڕۆژی 28-5-2019 په‌رله‌مانی كوردستان به‌ 68 ده‌نگ له‌ كۆی 81 ئه‌ندامی به‌شداربووی دانیشتنه‌كه نێچیرڤان بارزانی وه‌ک سه‌رۆكی هه‌رێمی كوردستان هه‌ڵبژارد ئاماده‌کارییه‌کان له‌ هه‌ولێر بۆ ڕێوره‌سمی سوێندخواردنه‌كه‌ ده‌ستی پێکرد و ڕۆژی 30-5-2019 په‌رله‌مانی كوردستانیش كارنامه‌ی دانیشتنه‌كه‌ی ڕاگه‌یاند كه‌ تایبه‌ت بوو‌ به‌ سوێندخواردنی سه‌رۆكی هه‌رێمی كوردستان.

سه‌رچاوه‌: باسنیووز

کۆدی هه‌واڵنێر: 60103