کوردپرێس:
عه‌لی حوسێنی وته‌بێژی حه‌شدی شه‌عبی له میحوه‌ری باکووری عێراق گوتی: "باسکردن له گه‌ڕانه‌وه‌ی پێشمه‌رگه به پاساوی یارمه‌تیدانی هێزه ئه‌منییه‌کانی ئه‌وێ و له دوای ته‌قینه‌وه‌کانی ئه‌مدواییه هیچ پێویست نین".
ناوبراو ئاماژه‌ی به‌وه کرد: هێزه ئه‌منییه‌کان له‌و پارێزگایه له ڕووی ژماره‌وه که‌م نین به‌ڵام ده‌زگا هه‌واڵگرییه‌کان ناپیشه‌یین.
حوسێنی پێیوایه که ئه‌و داواکارییانه به‌ته‌واوه‌تی داواکاریی سیاسین و ئه‌وانه‌شی له پشت ته‌قینه‌وه‌کانی که‌رکووکه‌وه بوون به زوویی ئاشکرا ده‌کرێن.
شایانی باسه؛ به دوای ڕوودانی 6 ته‌قینه‌وه‌ی یه‌ک له دوای یه‌ک له گه‌ڕه‌که‌کانی که‌رکووک که کوژران و برینداربوونی زۆرینه‌ی هاووڵاتییانی لێکه‌وته‌وه، به‌رپرسانی باڵا و حیزبه کوردستانییه‌کان و نوێنه‌رانی کوردی په‌رله‌مانی عێراق گه‌ڕانه‌وه‌ی پێشمه‌رگه بۆ که‌رکووک و به‌شداریی ئه‌و هێزه له دابین‌کردنی ئاسایشی ناوچه‌که‌یان به گرنگ و زه‌رووری وه‌سف کرد.
سه‌رچاوه: شارپرێس
کۆدی هه‌واڵنێر: 60103
Your Comment