به‌پێی هه‌واڵی کوردپرێس، ئێواره‌ی ڕۆژی چوارشه‌ممه 29ی ئایاری 2019 مۆرگان ئۆرتاگۆس وته‌بێژی وه‌زاره‌تی ده‌ره‌وه‌ی ئه‌مریکا له کۆنفڕانسێکی ڕۆژنامه‌وانیدا هاوپه‌یوه‌ند به درێژکردنه‌وه‌ی واده‌ی لێخۆشبوونی عێراق له سزاکانی سه‌ر تاران بۆ کڕینی کاره‌با ڕایگهیاند: هێشتا مایک پۆمپیۆ وه‌زیری ده‌ره‌وه‌ی ئه‌مریکا هیچ بڕیارێکی له‌سه‌ر درێژکردنه‌وه‌ی مۆڵه‌تی سێ مانگه‌ی به‌خشینی عێراق له گه‌مارۆ تاکلایه‌نه‌کانی واشنتۆن دژی تاران بۆ هاورده‌کردنی کاره‌با نه‌داوه.
ئه‌مه‌ش له حاڵێکدایه ڕۆژی 20ی مانگی ئاداری ڕابردوو وه‌زاره‌تی ده‌ره‌وه‌ی ئه‌مریكا ڕایگهیاند که بۆ ماوه‌ی 90 ڕۆژ عێراق له سزاكانی سه‌ر ئێران بۆ كڕینی كاره‌با له‌و وڵاته ده‌به‌خشن و هاوكات هانی به‌غداشی دا كه سه‌رچاوه‌ی به‌دیل بۆ وزه بدۆزێته‌وه.
سه‌رچاوه: به‌شی عه‌ره‌بیی هه‌واڵده‌ریی ڕۆیته‌رز
کۆدی هه‌واڵنێر: 60103
Your Comment