به‌پێی هه‌واڵی کوردپرێس، پارێزه‌رانی عه‌بدوڵڵا ئۆجه‌لان ڕێبه‌ری زیندانی‌کراوی په‌که‌که پاش گه‌ڕانه‌وه‌یان له دوورگه‌ی ئیمرالی دیدارێکیان له‌گه‌ڵ له‌یلا گۆڤه‌ن نوێنه‌ری جۆله‌مێرگ له په‌رله‌مانی تورکیا و سه‌ر به پارتی دیموکراتی گه‌لان ئه‌نجام دا که 197 ڕۆژه بۆ لابردنی گۆشه‌گیریی سه‌ر ئۆجه‌لان مانی له خواردن گرتووه و پێده‌چێت په‌یامی ئۆجه‌لانیان به گۆڤه‌ن ڕاگه‌یاندبێت که کۆتایی‌هێنان به چالاکیی مانگرتنه.
له‌یلا گۆڤه‌ن له په‌یامێکدا له تۆڕی کۆمه‌ڵایه‌تیی توویته‌ر ئاماژه‌ی به دیداری خۆی له‌گه‌ڵ پارێزه‌رانی ئۆجه‌لان کرد و ڕای‌گه‌یاند: من چاوپێکه‌وتنم له‌گه‌ڵ پارێزه‌رانی ئۆجه‌لان ئه‌نجام دا و په‌یامی ئۆجه‌لانیان به من ڕاگه‌یاند و له ئیستادا هه‌وڵه‌کانیان بۆ گفتوگۆ له‌گه‌ڵ مانگرتووانی دیکه چڕ ده‌که‌نه‌وه. به‌م زووانه ڕای گشتی له بۆچوونی خۆم ئاگادار ده‌که‌مه‌وه.
سه‌رچاوه: ڕۆژنامه‌ی ئۆرنسه‌ل
کۆدی هه‌واڵنێر: 60103
Your Comment