بەپێی هەواڵی کوردپرێس، فەخرەدین ئاڵتون وتەبێژی فەرمیی ئەردۆغان ڕایگەیاند: سەرۆک کۆماری تورکیا لە پێوەندییێکی تەلەفۆنیدا لەگەڵ پووتین وتوویە زیاد بوونی پێکدادانەکان لەناوچە ئارامەکانی ئیدلیب لەم دوو هەفتەی دوایدا هۆی نیگەرانییە و هێرشەکان زیاتر هاووڵاتییانی سڤیل، قوتابخانەکان و نەخۆشخانەکانی کردۆتە ئامانج.

ئەردۆغان هەروەها جەختی کردۆتەوە ئەم چەشنە هێرشانە بە ئامانجی تێکدانی پێوەندییەکانی تورکیا- ڕووسیا ئەنجام دەدرێت و دانووستانەکانی ئەستانە دەخاتە مەترسییەوە.

ناوبراو زیادی دەکات سەرهەڵدانەوەی گرژییەکان لە ئیدلیب لەمپەرێکە بۆ دامەزراندنی کۆمیتەی یاسایی دەستووری سووریا و هەروەها پڕۆسەی سیاسی چارەسەر کردنی قەیرانەکان.

لە پێوەندییەکەدا هەر دوو لایەن جەختیان کردەوە لەسەر ڕێککەوتنی سوچی و سەرۆک کۆمار تورکیا جەختی کردۆتەوە لەسەر جێبەجێ کردنی بڕگەکانی ڕێککەوتننامەکە.

کۆدی هەواڵنێر: 60113