به‌پێی هه‌واڵی کوردپرێس، ئه‌رکانی فه‌رمانده‌ییی هێزی چه‌کداری تورکیا بڵاوی کرده‌وه که سوپای ئه‌و وڵاته کاروانێکی سه‌ربازیی گه‌وره پێکهاتوو له یه‌که‌کانی کۆماندۆ و ئۆتۆمبیلی زرێپۆشی -که له ناوچه جیا جیاكانی توركیا كۆ كراونه‌ته‌وه- له پارێزگای هاتای سنووریه‌وه ڕه‌وانه‌ی ناو سووریا کردووه.
شایانی باسه؛ کاروانه سه‌ربازییه‌که‌ی تورکیا له ژێر ڕێوشوێنی توندی ئه‌منی له پارێزگای هاتایه‌وه به‌ره‌و ناوچه‌ی سنووری که‌ریکخان ڕۆیشتووه و له‌و ناوچه‌یه جێگیر بوونه که ئامانج له ڕه‌وانه‌کردنی ئه‌و هێزانه پشتیوانی له یه‌که سه‌ربازییه‌کانی تورکیا له سنووره‌کانی سووریا ڕاگه‌یێندراوه.
سوپای تورکیا له 5 مانگ پێش ئێستاوه له‌شکه‌رکێشییێکی گه‌وره‌ی بۆ سنووره‌کانی باشووری تورکیا کردووه که سه‌ره‌کیترین هۆکاری ئه‌و له‌شکه‌رکێشییه هێرشی گریمانه‌کراوی سوپای تورکیا بۆ سه‌ر ناوچه‌ی ڕۆژهه‌ڵاتی فورات ده‌بێت.
سه‌رچاوه: هه‌واڵده‌ریی هابر 7
کۆدی هه‌واڵنێر: 60103
Your Comment