کوردپرێس: ئاژانسی ڕۆژنیووز لە هەواڵێكدا ڕایگەیاندووە سوپای توركیا لە دەڤەری برادۆست لە سنووری هەولێر، ٢٤ كاتژمێر چاودێری ٧٩ گوند دەكات، لە كاتژمێر 10:00 شەو تا 6:00ی بەیانی، هاتووچۆی لە هاووڵاتییانی ئەو گوندانە قەدەغە كردووە.

قەدەغەی هاتووچۆ و چاودێری كردنی ئەو گوندانە، بووە بە هۆكاری ئەوەی هاووڵاتیانی ئەو ناوچەیە نەتوانن لەكاتی پێویست سەردانی نەخوشخانەكان بكەن، چوونكە لەو كاتانەی قەدەغە دیاری كراوە هەر هاووڵاتییێک بە ئۆتۆمبێل هاتووچۆ بكات، ڕووبەڕووی تەقەی ڕاستەوخۆی سەربازانی توركیا دەبێتەوە.

سوپای توركیا سەرەڕای بەزاندنی سنوورێكی بەرفراوانی خاكی هەرێم، هاوكات بەردەوام بەبیانووی بوونی پەكەكە-وە بۆردوومانی گوند و چیاكانی هەرێمی کوردستان دەكات و بەهۆیەوە تا ئێستا چەندین هاووڵاتی مەدەنی گیانیان لە دەست داوە و بریندار بوونە.

کۆدی هەواڵنێر: 60113