کوردپرێس:

مەحما خەلیل، قایقامی قەزای شنگال، بە ماڵپەڕی فەرمیی پارتی دیموکراتی کوردستانی ڕاگەیاند: "ھەڵدانەوەی گۆڕە بەکۆمەڵەکانی شنگال بەردەوامە و تا ئێستا لە سنووری کۆچۆ ١٠ گۆڕ ھەڵدراونەتەوە و ١٣٧ ڕوفاتی تێدا بووە و ڕەوانەی بەغدا دەکرێن بۆ ئەوەی پشکنینیان بۆ بکرێت و دواتر ڕەوانەی ھەولێر دەکرێن و ڕادەستی کەس و کاریان دەکرێنەوە."

مەحما خەلیل گوتیشی: "پێشبینی دەکرێت تەنیا لە سنوری کۆچۆ ٥٠٠ ڕوفات لەناو گۆڕە بەکۆمەڵەکاندا ھەبن و ھەڵدانەوەی گۆرە بەکۆمەڵەکان بەردەوام دەبێت تاوەکو تەواو دەبن."

لە سنووری قەزای شنگال ٧٣ گۆری بەکۆمەڵ ھەیە و ئێستا تیمێکی ھاوبەشی ھەرێم و بەغدا بە چاودێریی نەتەوە یەکگرتووەکان دەستیان بە ھەڵدرانەوەیان کردووە.