کوردپرێس:
ئه‌لێکسانده‌ر پۆرتنیکۆڤ به‌ڕێوه‌به‌رى ده‌زگاى ئاسایشى فیدڕاڵى ڕووسیا ڕای‌گه‌یاند: "له کۆى پێنج هه‌زار تیرۆریست نزیکه‌ى 1500یان ڕۆژهه‌ڵاتى ناوه‌ڕاستیان به‌جێهێشتووه و گه‌یشتوونه‌ته ئه‌ورووپا".
ناوبراو ئاماژه‌ى به‌وه کردووه که ژماره‌یێکى زۆرى ئه‌و تیرۆریستانه به فه‌رمانى سه‌رکرده‌کانیان و به مه‌به‌ستى ئه‌نجامدانى په‌لامارى تیرۆریستى گه‌ڕاونه‌ته‌وه بۆ ئه‌ورووپا.
هاوکات به‌ڕێوه‌به‌رى ده‌زگاى ئاسایشى فیدڕاڵى ڕووسیا ئه‌وه‌شى گوتووه: "سه‌ربارى وه‌شاندنى گورزى گه‌وره له ڕێکخراوى داعش و قاعیده له عێراق و سووریا به‌ڵام هێشتا هه‌ر دوو ڕێکخراوه‌که وه‌ک هه‌ڕه‌شه‌ى جدى ماون".
پۆرتنیکۆڤ ئه‌وه‌شى باس کردووه ئه‌و ڕێکخراوانه هه‌ر له ڕۆژهه‌ڵاتى ناوه‌ڕاسته‌وه تا ئه‌وروپا و ناوه‌ڕاست و باشوورى ئاسیا وه‌ک شانه‌ى پێکه‌وه‌گرێدراو و سه‌ربه‌خۆ کار ده‌که‌ن و چه‌ند گرووپێکى چه‌کداریش توانیویانه دزه بکه‌نه قووڵاییى کیشوه‌رى ئه‌فریقا و به‌تایبه‌تیش وڵاتى لیبیاوه.
ئه‌م هه‌واڵه له هاوڵاتی وه‌رگیراوه
کۆدی هه‌واڵنێر: 60103
Your Comment