کوردپرێس:
شاندێکی وه‌زاره‌تی به‌رگریی عێراق و شاندێکی هاوپه‌یمانیی نێوده‌وڵه‌تیی دژه‌داعش سه‌ردانی هه‌ولێریان کرد و له‌گه‌ڵ به‌رپرسانی پایه‌به‌رزی وه‌زاره‌تی پێشمه‌رگه کۆ بوونه‌وه و له کۆبوونه‌وه‌که‌دا که‌ریم سنجاری وه‌زیری پێشمه‌رگه به‌وه‌کاله‌ت به شانده‌که‌ی عێراق و هێزه‌کانی هاوپه‌یمانانی وتووه پێویسته حكوومه‌تى عێراق مافه داراييیه‌كان و چه‌ک و ته‌قه‌مه‌نی بۆ پێشمه‌رگه دابین بکات.
هه‌روه‌ها له ڕاگه‌یێندراوه‌که‌دا ئاماژه بۆ ئه‌وه‌ش کراوه که شانده‌که‌ی وه‌زاره‌تی به‌رگریی عێراق و هێزه‌کانی هاوپه‌یمانان به‌ڵێنيان داوه كار بكه‌ن بۆ ئه‌وه‌ی به‌په‌له ماف و پێداویستییه‌کانی پێشمه‌رگه دابین بکه‌ن.
شایانی باسه؛ ڕۆژی 15ی ئه‌م مانگه‌ش شاندی وه‌زاره‌تی پێشمه‌رگه و وه‌زاره‌تی به‌رگریی عێراق کۆ بوونه‌وه و ئه‌نجامی کاری لیژنه مه‌یدانییه‌كانیان بۆ گه‌ڕاندنه‌وه‌ی هێزه‌کانی پێشمه‌رگه بۆ ناوچه جێناکۆکه‌کان و دابین‌کردنی ئاسایشی ئه‌و ناوچانه تاوتوێ کرد.
ئه‌م هه‌واڵه له میدیاکانی هه‌رێمی کوردستان وه‌رگیراوه
کۆدی هه‌واڵنێر: 60103
Your Comment