به‌پێی هه‌واڵی کوردپرێس، ڕۆژی سێشه‌ممه‌ 16ی نیسانی 2019 خولووسی ئاکار وه‌زیری به‌رگریی تورکیا له‌گه‌ڵ پاتریک شاناهان جێگری وه‌زیری به‌رگریی ئه‌مریکا کۆ بوویه‌وه‌.

له‌ دیداره‌که‌ی نێوان ئاکار و شاناهان که‌ له‌ پێنتاگۆن به‌ڕێوه ‌چوو پرسی هاوکارییه‌ ستراتێژییه‌کانی نێوان تورکیا و ئه‌مریکا تاوتوێ کرا و دوو لایه‌ن جه‌ختیان له‌ گرنگیی هاوکاریی یه‌کتر بۆ سه‌قامگیری و ئاسایشی ناوچه‌که‌ و جیهان کرده‌وه.

وه‌زیری به‌رگریی تورکیا شاناهانی له‌ ڕوانگه‌کانی خۆی له‌باره‌ی دروست بوونی ناوچه‌ی پارێزراو له‌ سووریا، وه‌رگرتنی سیسته‌می دژه‌مووشه‌کیی S-400 و کڕینی فڕۆکه‌کانی F-35 ئاگادار کرده‌وه.

سه‌رچاوه‌: هه‌واڵده‌ریی ئه‌نادۆڵو

کۆدی هه‌واڵنێر: 60103