به‌پێی هه‌واڵی کوردپرێس، ڕۆژی یه‌كشه‌ممه 24ی ئاداری 2019 شاندی پارتی دیموكراتی كوردستان و یه‌كێتیی نیشتمانیی كوردستان له پیرمام كۆ بوونه‌وه و پێكهێنانی كابینه‌ی نۆیه‌می حكوومه‌تی هه‌رێمی كوردستانیان تاوتوێ كرد.
دوای كۆبوونه‌وه‌كه‌ش ڕاگه‌یه‌ندراوێكی هاوبه‌شیان بڵاو كرده‌وه و تێیدا دووپاتیان كردوووه‌ته‌وه که هه‌ردوولا كار بكه‌ن بۆ سه‌رخستنی دانووستاندن و گفتوگۆكانی پێكهێنانی حكوومه‌ت و له‌م هه‌فته‌یه‌شدا كۆبوونه‌وه‌ی دیكه‌یان ده‌بێت.
جه‌خت له‌وه‌ش كراوه‌ته‌وه که له چوارچێوه‌ی ڕێككه‌وتنه سیاسییه‌كه‌ی نێوانیان كه له 4ی ئادار/ مارسی 2019 ئیمزا كراوه، ده‌ست به گفتوگۆی جدی و به‌رهه‌مدار كراوه و له كۆبوونه‌وه‌ی ڕۆژی یه‌کشه‌ممه‌شدا ورده‌كاریی كاركردنی هاوبه‌ش و هه‌نگاوی باش نراون.
شاندی پارتی پێكھاتوووه له كه‌مال كه‌ركووكی، كاكه‌مین نه‌جاڕ، عه‌لی حوسێن، ھێمن ھه‌ورامی، عه‌لی عه‌ونی، فرسه‌ت سۆفی، دڵشاد شه‌ھاب و شاندی یه‌كێتی بریتین له عیماد ئه‌حمه‌د، ڕه‌فعه‌ت عه‌بدوڵڵا، شاڵاو كۆسره‌ت، لاھور شێخ جه‌نگی، عه‌دنان حه‌مه مینه و له‌تیف شێخ عومه‌ر.
کۆدی هه‌واڵنێر: 60103
Your Comment