بەپێی هەواڵی کوردپرێس، لە راگەیەندراوەکەدا هاتووە، پاڵپشت بە فەرمانی هەرێمی ژمارە 33 لە رۆژی 24ی شوباتی 2022 دەربارەی دەستنیشان کردنی رۆژی 1ی ئۆکتۆبەری 2022 وەک رۆژی ئەنجامدانی هەڵبژاردنی خولی شەشەمی پەرلەمانی کوردستان، ئەمڕۆ (27 ی شوبات/فەبرایەری 2022) رێزدار مەسرور بارزانی سەرۆکی حکوومەتی هەرێمی کوردستان، بە فەرمانێک بڕیاری دا بە راسپاردنی سەرۆکایەتی دیوانی ئەنجومەنی وەزیران و سەرجەم وەزارەت و لایەنە پەیوەندیدارەکان، بۆ هەماهەنگیکردن لەگەڵ کۆمسیۆنی باڵای سەربەخۆی هەڵبژاردن و راپرسی، بە مەبەستی دابینکردنی بودجە و سەرجەم پێداویستییەکانی پڕۆسەی هەڵبژاردن، بۆ ئەوەی هەڵبژاردن لە کاتی دیاریکراودا ئەنجام بدرێت.