کوردپرێس:
لەم ساڵانەی دواییدا کۆمەڵێک ڕووداو ڕوویان دا کە پڕۆسەی بەئەندام بوونی تورکیا لە یەکێتیی ئەورووپای هەڵپەسارد و کۆنگرەی هاوکاریی تورکیا و یەکێتیی ئەورووپا بۆ ماوەی 4 ساڵ پکی کارەکانی خست و ئێستا پاش 4 ساڵ بڕیارە لە شاری برۆکسێل دانیشتنێک بەڕێوە بەرێت.
بەگوێرەی ئەو زانیارییانەی دەست کەوتوون کۆنگرەکە بە سەرۆکایەتیی فێدریکا مۆگرینی نوێنەری باڵای سیاسەتی دەرەوەی یەکێتیی ئەورووپا بەڕێوە دەچێت و مەولوود چاوش ئۆغڵو وەزیری دەروەی تورکیاش سەرۆکایەتیی شاندی تورکیا لە دانیشتنەکەدا دەکات.
تەوەری گفتوگۆکانی ئەو کۆنگرەیەش بریتییە لە پڕۆسەی بە ئەندام بوونی تورکیا لە یەکێتیی ئەورووپا و دوا پێشهاتەکانی هەڵوەشاندنەوەی ڤیزەی هاووڵاتییانی تورکیا بۆ سەفەرکردن بۆ وڵاتانی ئەورووپی و نوێ کردنەوەی گرێبەستە بازرگانی و گومرگییەکانی نێوان تورکیا و یەکێتیی ئەورووپا.
Your Comment