به‌پێی هه‌واڵی کوردپرێس، سه‌رچاوه خۆجێییه‌کانی سووریا ڕایان‌گه‌یاندوووه که ئه‌مریکا کاروانێکی سه‌ربازیی پێکهاتوو له 300 لۆری چه‌ک، جیهازات و که‌ره‌سته‌ی سه‌ربازی له ڕێگای باکووری عێراقه‌وه بردۆته باکووری سووریا.
لۆرییه‌کانی کاروانی یارمه‌تیی سه‌ربازیی ئه‌مریکا پاش په‌ڕینه‌وه له سنووری باکووری عێراق چوووه‌ته سووریا و به‌ره‌و قامیشڵۆی ژێر کۆنتڕۆڵی هه‌سه‌ده ڕۆیشتوووه.
هه‌روه‌ها ئاشکرا کراوه که باری ئه‌و لۆرییانه بریتی بوووه له چه‌ک و جیهازاتی سه‌ربازی، جه‌ره‌سه‌قیل، تانکه‌ری سووته‌مه‌نی، که‌ره‌سته‌ی ڕێگاوبان و ژێنڕاتۆر و هه‌ندێک له لۆرییه‌کان داپۆشرابوون و به‌راورد ده‌کرێت که چه‌ک و جیهازاتی سه‌ربازییان تێدا بێت.
ئه‌و کاروانه له حاڵێکدا ڕه‌وانه‌ی باکووری سووریا ده‌کرێت که دوایین ئۆپه‌راسیۆنی سوپای سووریای دیموکرات بۆ له‌ناوبردنی داعش له سووریا درێژه‌ی هه‌یه و کاروانه سه‌ربازییه‌که‌ی ئه‌مریکا له‌پێناو پشتیوانی له‌و ئۆپه‌راسیۆنه ڕه‌وانه کراوه.
سه‌رچاوه: هه‌واڵده‌ریی زه‌رنیووز
کۆدی هه‌واڵنێر: 60103
Your Comment