به‌پێی هه‌واڵی کوردپرێس، ڕۆژی ڕابردوو چه‌ندین ئه‌ندامی پارتی دیموکراتی گه‌لان (HDP) که له نێوانیاندا دێرسیم داغ نوێنه‌ری ئامه‌د له په‌رله‌مانی تورکیا ده‌بینرا له کۆنفڕانسێکی ڕۆژنامه‌وانیدا مانگرتنی سنوورداریان بۆ پشتیوانی له داواکاریی له‌یلا گوڤه‌ن به مه‌به‌ستی نه‌هێشتنی گۆشه‌گیریی سه‌ر عه‌بدوڵڵا ئۆجه‌لان سه‌رۆکی زیندانی‌کراوی PKK ده‌ست پێکرد که دوای ئه‌و کۆنفڕانسه ڕۆژنامه‌وانییه هێزی پۆلیسی تورکیا هه‌ڵیکوتایه سه‌ر بینای ناوه‌ندیی HDP له ئامه‌د و پێنج که‌سیانی ده‌ستگیر کرد.
سوله‌یمان سۆیلۆ وه‌زیری ناوخۆی تورکیا له لێدوانێکدا ورده‌کارییه‌کانی ئه‌و هه‌ڵمه‌ته‌ی پۆلیسی خسته‌ڕوو و گوتی: پاش ده‌ستکه‌وتنی هه‌ندێک زانیاری له‌باره‌ی ده‌ست پێکردنی مانگرتنی هه‌ده‌په له ئامه‌د له ماوه‌ی نیو کاتژمێردا فه‌رمانی پێویست بۆ ده‌ستگیرکردنی ئه‌و که‌سانه له‌لایه‌ن پۆلیسه‌وه ده‌رکرا و فه‌رمانه‌که‌ش به ته‌واوه‌تی جێبه‌جێ کرا.
سه‌رچاوه: ته‌له‌فزیۆنی NTV
کۆدی هه‌واڵنێر: 60103
Your Comment