بەپێی هەواڵی کوردپرێس، پاش داخوازیی سەرۆک هۆز و تائیفەکانی دەیرەزوور، خۆبەڕێوەبەریی باکوور و ڕۆژهەڵاتی سووریا لە کونفرانسێکی ڕۆژنامەوانیدا ڕایگەیاند: 283 زیندانی کە بەشێوەی ڕاستەوخۆ دژی خەڵکی سووریا جەنایەتی جەنگییان کردووە و بە بۆنەی پشتگیری کردنی داعش لە زیندان-دا لەماوەی چەند ڕۆژی داهاتوودا ئازاد دەکرێن.
پاش لێدوانێکی ڕۆژنامەوانی ئەنجومەنی مەدەنی دەیرەزوور کۆبوونەوەیێکی لە ناوچەی سیر-ی دەیرەزوور بەڕێوەبرد و 103 کەس کە بەبۆنەی پشتگیری کردن لە داعش لە زیندان بوون ئازاد کران. لە کۆبوونەوەکەدا سەرۆک هێزەکانی عگیدات و بغارا لەگەڵ بنەماڵەی زیندانییەکان ئامادەبوون.
خەلف ئەسەد، جێگری هاوسەرۆکی ئەنجومەنی یاسادانەریی دەیرەزوور لەوتەکانیدا سوپاسی خۆبەڕێوەبەریی باکوور و ڕۆژهەڵاتی سووریای کرد کە زیندانییەکانی عەفو کردووە و داوای لە زیندانییەکان کرد جارێکی دیکە هەڵەکەیان دووپات نەکاتەوە.
زیندانییەکان پاش کۆبوونەوەکە ڕادەستی بنەماڵەکانیان کران.
سەرچاوە: هاوارنیووز
کۆدی هەواڵنێر: 60113
Your Comment