بەپێی هەواڵی کوردپرێس، لیوا عەبدوڵڵا وتەبێژی ئۆپەراسیۆنی گەردەلوولی جزیرە لە وتەکانیدا ئاماژەی دا بە دوا گۆڕانکارییەکانی ئاخرین ناوچەی ژێر کونترۆڵی داعش و وتی: ئۆپەراسیۆنەکان درێژەی هەیە بەڵام بەشێوەیێکی زۆر ئارام و بە هەستیارییەوە. ناوبراو وتیشی هێشتا ژمارەیێک هاووڵاتیی سڤیل لەناوچەی باغۆز لەژێر دەستی داعشدان. بۆ پاراستنی گیانی ئەو خەڵکە ئۆپەراسیۆنەکە بە هەستیارییەوە دەبەینە پێشەوە.
لیوا عەبدوڵڵا درێژەی دا: داعش شکستی هێناوە بەڵام شانەی نووستووی داعش هەن کە بە نهێنی چالاکی ئەنجام دەدەن. گرینگترین بابەت لە سووریا درێژەی بیر و باوەڕی داعشە لە نێو خەڵکدا. ئەرکی ئێمە ئێستا کۆتایی هێنان بەو بیرۆکەیە و لە ناوبردنی شانەی نووستووی داعش.
کۆدی هەواڵنێر: 60113
Your Comment