به‌پێی هه‌واڵی کوردپرێس، به دوای به‌رده‌وامیی جووڵه‌ی چه‌کدارانی داعش له به‌رزایییه‌کانی قه‌ره‌چوغ له ناوچه‌ی مه‌خمووری باشووری ڕۆژئاوای هه‌ولێر، فڕۆکه شه‌ڕکه‌ره‌کانی فیرقه‌ی 14ی سوپای عێراق به چڕی مۆڵگه و باره‌گاکانی داعش له‌و چیایه‌یان بۆردومان کرد.
غازی فه‌یسه‌ڵ یه‌کێک له فه‌رمانده‌کانی پێشمه‌رگه‌ی یه‌کێتی گوتی: دوای هه‌فته‌یێک له گه‌یشتنی فیرقه‌ی 14ی سوپای عێراق که هاتوونه‌ته شوێنی لیوا تایبه‌ته‌که‌ی پۆلیسی فیدراڵی له گوندی گه‌لی عه‌لی ڕه‌ش، بۆ یه‌که‌م جار ده‌ستیان کردوووه به بۆردومان کردنی داعش له گه‌لی عه‌لی ڕه‌شی چیای قه‌ره‌چوغ.
ئه‌م بۆردومانه‌ی داعش له کاتێکدایه زیاتر له 26 ڕۆژه بۆردومانی فڕۆکه‌کانی هاوپه‌یمانان بۆ سه‌ر مۆڵگه‌کانی چه‌کدارانی داعش له چیای قه‌ره‌چوغ وه‌ستاوه.
شایانی باسه؛ گونده‌کانی ئه‌و ناوچه‌یه سه‌ر به مه‌خموورن و بوونه‌ته شوێنێک بۆ جموجووڵی چه‌کدارانى داعش له کاتێکدا هیچ ئۆپه‌راسیۆنێکى سه‌ربازى بۆ ڕاوه‌دوونان و کۆتایی پێهێنانیان نه‌کراوه.
کۆدی هه‌واڵنێر: 60103
Your Comment