بەپێی هەواڵی کوردپرێس، له كۆنفراسێكی رۆژنامه‌وانیدا له میونشن مه‌سروور بارزانی رایگەیاند: له كۆبوونه‌وه‌كان چه‌ندین پرسی گرنگی ناوچه‌كه‌مان له‌گه‌ڵ وه‌زیر و به‌رپرسانی باڵای وڵاتان تاووتوێ كرد.
راوێژكاری ئه‌نجوومه‌نی ئاسایشی هه‌رێمی كوردستان راشیگه‌یاند له كۆبوونه‌وه‌كاندا، باسی مه‌ترسی سه‌رهه‌ڵدانه‌وه‌ی داعشمان به چڕی کرد هاوكات ره‌وشی په‌یوه‌ندییه‌كانی نێوان هه‌ولێر و به‌غداشمان خسته‌ڕوو.
مه‌سروور بارزانی راوێژكاری ئه‌نجوومه‌نی ئاسایشی هه‌رێمی كوردستان، به داوه‌تی فه‌رمی به‌شداری له كۆنگره‌ی ئاسایشی میونشن كردووه، كه رۆژی هه‌ینی 15ی شوبات ده‌ستی به كاره‌كانی كرد و رۆژی 17ی مانگیش كۆتایی دێت.
له ماوه‌ی دوو رۆژی رابردوو، مه‌سروور بارزانی، كۆمه‌ڵێک دیدار و كۆبوونه‌وه‌ی گرنگی له‌گه‌ڵ به‌رپرسانی باڵای وڵاتانی ئه‌مه‌ریكا، ئه‌ورووپا و رۆژهه‌ڵاتی ناوه‌ڕاست ئه‌نجام داوه و تێیدا ره‌وشی هه‌رێمی كوردستان و عێراق و هه‌ڕه‌شه‌كانی داعشی تاووتوێ كردووه.
سەرچاوە: کوردستان24
کۆدی هەواڵنێر: 60113
Your Comment