به‌پێی هه‌واڵی کوردپرێس، ئه‌مڕۆ شه‌ممه‌ 16ی شوباتی 2019 دوکتۆر که‌مال مه‌زهه‌ر نووسه‌ر و مێژوونووسی ناوداری کورد له‌ ته‌مه‌نی 82 ساڵی و به‌هۆی نه‌خۆشییه‌وه‌ له‌ وڵاتی ئه‌ڵمانیا کۆچی دوایی کرد.

دكتۆر كه‌مال مه‌زهه‌ر ئه‌حمه‌د له‌ ساڵی 1937 له‌ گوندی ئاغجه‌له‌ر له‌دایكبوووه‌ و ساڵی 1959 له‌ زانكۆی به‌غدا كارناسیی له‌ مێژوودا وه‌رگرتوووه ‌و به‌ره‌و یه‌كێتیی سۆڤییه‌تی جاران ڕۆشتوووه.‌

له‌ ساڵی 1969 له‌ ئه‌نستیتۆتی ڕۆژهه‌ڵاتناسیی ئه‌كادیمیای زانسته‌كانی سۆڤییه‌ت دكتۆرای له‌ زانسته‌كان وه‌رگرتوووه و ساڵی 1981 بوووه‌ به‌ مامۆستای مێژوو.

دواتر دكتۆر كه‌مال مه‌زهه‌ر ئه‌حمه‌د جارێكی دیكه‌ گه‌ڕاوه‌ته‌وه‌ بۆ به‌غدا و له‌ ساڵانی 1971 تا 1975 سكرتێر و یاریده‌ده‌ری سه‌رۆک بوووه‌ بۆ پرسه‌ زانستییه‌كانی فه‌رهه‌نگی كوردی له‌ به‌غدا.

دكتۆر كه‌مال مه‌زهه‌ر ئه‌حمه‌د له‌ زانكۆی به‌غدادا و له‌ ئه‌نستیتۆتی گه‌لانی ڕۆژهه‌ڵاتی نزیک و ناڤین له‌ باكۆ، ئه‌نستیتۆتی باڵای لێكۆڵینه‌كانی نه‌ته‌وه‌یی و سۆسیالیستیی زانكۆی موسته‌نسه‌ریه‌. هه‌روه‌ها ئه‌نستیتۆتی لێكۆڵینه‌كانی عه‌ره‌بیی وانه‌ی گوتوووه‌ته‌وه‌ و ئه‌ندامی یه‌كێتیی نووسه‌رانی كورد و ئه‌نستیتۆتی كورد بوووه‌ له‌ پاریس.

دكتۆر كه‌مال مه‌زهه‌ر خاوه‌نی ده‌یان كتێبه‌ به‌ زمانه‌كانی عه‌ره‌بی و كوردی و ڕووسی و چه‌ندین به‌رهه‌میشی وه‌رگێڕدراوه‌ وه‌ک: (كوردستان له‌ ساڵانی شه‌ڕی جیھانیی یه‌كه‌م، ڕاپه‌رینی 1920 له‌ ڕۆژھه‌ڵاتناسیی سۆڤییه‌ت، چاوپێكه‌وتنێک به‌ چه‌ند كێشه‌یێكی نێونه‌ته‌وه‌یی له‌ ڕۆژھه‌ڵاتی ناوین، ڕۆلی گه‌لی كورد له‌ ڕاپه‌رینی 1920ی عێراق، سه‌رھه‌ڵدان، چینی كرێكاری عێراق په‌یدابوونه‌وه‌ و یه‌كه‌مین بزووتنه‌وه‌كانی، مه‌كیاڤێلی و مه‌كیاڤێلیسم."

هه‌روه‌ها حه‌قیقه‌ته‌كانی مێژووی كورده‌كان، چه‌ند وتاره‌ سه‌باره‌ت به‌ په‌یوه‌ندییه‌كانی نێونه‌ته‌وه‌ییی ده‌وڵه‌ته‌ مه‌زنه‌كان، چه‌ند وانه‌ له‌ سه‌ر مێژووی ئێرانی نوێ و ھاوچه‌رخ، كوردستان له‌ ساڵه‌كانی شه‌ڕی یه‌كه‌می جیهاندا، كورد و كوردستان له‌ به‌ڵگه‌نامه‌ نهێنییه‌كانی حكوومه‌تی به‌ریتانیادا، ئافره‌ت له‌ مێژوودا: كورته‌باسێكی مێژوویی و كۆمه‌ڵایه‌تی، تێگه‌یشتنی ڕاستی؛ شوێنی له‌ ڕۆژنامه‌نوسی كوردیدا.

ڕونه‌سانس، په‌ڕه‌كانێک له‌ مێژووی گه‌لی كورد، چینی كرێكارانی عێراق په‌یدابوونه‌وه‌ و یه‌كه‌مین بزووتنه‌وه‌كانی، خه‌باتی ڕزگاركه‌ری كوردان دژ به‌ ئیستیعماری بریتانیا له‌ ساڵانی 1918 تا 1932ی زایینی، كورته‌یێک له‌ مێژووی كورده‌كان له‌ ساڵانی 1918 تا 1958ی زایینی، به‌شداری كردن له‌ نووسینی كتێبه‌كانی: په‌یدابوونه‌وه‌ی چینی كرێكار له‌ وڵاته‌ ئاسیاییه‌كان و ئه‌فریقاییه‌كان، سه‌باره‌ت به‌ فێئۆدالیزم له‌ نێو كورده‌كان ئا. شامیلۆف، وه‌رگێڕانی 5 كتێبی وانه‌یی زانكۆ، كورده‌كانی ئیمپراتۆریی عوسمانی.

کۆدی هه‌واڵنێر: 60103