کوردپرێس:
قادر عه‌زیز به میدیاکانى یه‌کێتیى راگه‌یاندووه، به‌بێ شه‌راکه‌تی راسته‌قینه به‌شداریی پێکهێنانی حکوومه‌تی هه‌رێم ناکه‌ن و به‌شداریکردنیشیان له کۆبوونه‌وه‌ی 18ی مانگ په‌رله‌مانی کوردستان به‌نده به ئیمزاکردنی رێکه‌وتنامه‌ی سیاسی له‌نێوان یه‌کێتی و پارتی.
ناوبراو وتیشی یه‌کێتی په‌یوه‌ندیی له گه‌ڵ حزبه‌کانی­تری هه‌رێم باشه و له‌گه‌ڵیاندا کۆ ده‌بێته‌وه.
دوێنێ مه‌کته‌بی سیاسیی یه‌کێتى کۆ بووه‌وه و به‌شداریکردنى په‌رله‌مانتارانى حزبه‌که‌ى له کۆبونه‌وه‌ى 18ى ئه‌م مانگه‌ى په‌رله‌مان به‌سته‌وه به ئیمزاکردنی رێکه‌وتنامه‌ی سیاسی له‌نێوان یه‌کێتی و پارتی، به‌جۆرێک پرسه‌کانى هه‌رێم و که‌رکووک و به‌غدا پێکه‌وه چاره‌سه‌ر بکرێن.
به‌پێی ڕێککه‌وتنى یه‌کێتى و پارتى که پێنجى ئه‌م مانگه رایانگه‌یاند، له کۆبوونه‌وه‌که‌ى په‌رله‌ماندا ده‌سته‌ى سه‌رۆکایه‌تى هه‌ڵده‌بژێردرێت به‌جۆرێک سه‌رۆک بۆ یه‌کێتى و جێگرى یه‌که‌م بۆ پارتى و جێگرى دووه‌م بۆ تورکمانه‌کان ده‌بێت.
Your Comment